19年的猫乸骨折，10日后终于开口进食！现正缓慢康复中！

c____2

我屋企19年只猫乸前日跌断左脚，皮下全完骨折！！前日去第一家医院话要即刻做手术做内固定，我深知老猫做手术的风险！！我以前17年的猫公就系一支针落去，就去左了！！！！我即刻去稳第二家，距地话用外固定，但话要猫乸食翻野先做得接骨！但而家猫乸一d饭都唔食！整日就靠打吊针去维系生命！！而且我仲要每日将猫乸抱到医院打吊针，成日移动猫乸无任何固定只已骨折的脚！！但我觉得非常不妥，骨折竟然唔第一时间固定？不过我又确实惊19年的猫乸受唔住接骨痛楚！！
急切希望大家俾d正确医治老猫骨折的建议，能够使猫乸及时得到正确的医治，早日恢复食欲，早日康复，大步迈过此劫！！！
别有用心者，请大发慈悲唔好妖言惑众！

3月16日晚12点，我将猫乸个笼放到我床头，我将个笼打开，以便我伸手可以摸到距，但距竟然爬出离训到我枕头旁边！我摸左距腹部及胸骨几下，无几耐距竟然系我床中间尿，而且尿中仲带三块5毫米左右的肉块！！最大有将近1厘米甘大！色泽暗红，好似牛润（牛肝）甘！！大家知唔知道系乜？同尿一齐出离的，甘样去唔去睇医生好？是否正常康复绩象？定系不祥之肖？望大家帮忙！！

今日22号，猫乸终于肯开口食左一小块九棍鱼，可能之前AD罐头佢唔仲意食，所以一直都无胃口，经过十日的休养终于主动开口食野了！在此期间多谢像pandaalice等热心桐子的支持及建议！经过此事后我终于清楚我以前十七年的猫公系乜原因走左，其实都系因为肾衰竭导致机能下降，体重暴减，继而引起多种疾病，尤其系尿道炎等症状！如果你只猫突然间饮好多水同体重暴减，你就必须去医院检察下，极有可能猫猫个肾已有问题，尤其老猫！！
此事我有个心德想同大家分享一下，就是猫外伤或骨伤一般情况都会康复，只佢地得到及时的治疗同你悉心的照顾佢地基本能够康复，我只猫乸19年照样可大步揽过！关键系内伤同平常疾病，今次好在医生及时发现猫乸个肾有问题，以后要多注意猫乸的饮食同生活，甘样佢先可以多倍我几年。所以大家如果只猫遇上骨折，唔好怕！即刻带去医院做固定，如果间医院系唔系都话手术做内固定，极有可能系想赚钱！只要只猫伤处一固定好，佢地就会慢慢康复同食野，最担心就系佢地骨折时伤左内脏，但只要你坚持每日悉心照顾，佢地一样会康复的！我听医生讲距见过最老的猫有26年！！所以我有信心猫乸会过二十岁！！

[此贴子已经被作者于2009-3-22 17:26:38编辑过]

咩咩羊

这个我没有经验呢。谁有相关经验的，请帮忙！楼主去的是哪家医院啊？

c____2

多谢版主的回复！如果有边位知道老猫骨折后的正确处理方法不妨留言，万分感激！！

贝多芬追逐者

ER.....去华农大找陈医生试试看,医院入边有好几只跌伤腰骨的,跌断脚的野猫狗,它们现在都过得挺不错的,今天才找过他拔牙,觉得佢份人好好啊, 本来12点下班了,手术一直做到差不多一点,出来后还帮我的猫吊针,看了好几次才去吃饭. 不过地点难找一点,设备和卫生条件一般.你打电话过去问问先啦:13054425370

c____2

多谢楼上位有心人！不过我四点钟就带左猫乸去固定了。之前我一直甘稳到底去边间医院好，但睇完各位d医院评价帖真系无晒方向，结果都系选择翻第二间，我觉得睇翻跟开的医生比较稳妥。去到我向距地交待了猫乸琴日d状况，之后距地就话可以固定了，固定过程好痛，我都惊猫乸痛到休克，我建议俾支局部麻醉针猫乸，个医生仔想左一想话唔好俾惊猫乸过敏，结果系四个医生同我同我老婆的压制下猫乸顺利完成石膏固定！而家距系度吊紧针休息紧，希望猫乸早日康复唔好发炎，陪我走多几年！
个人感觉依次求医过程有无做水鱼我唔知，但我觉得只要猫乸好我就乜都得！如果我真系做左水鱼甘未当自己捐多d钱俾间医院照顾距地d流浪动物罗。至于第二间医院系边间我就唔做广告了，如果有需要可私下问，我认为四个医生一齐做外固定算系甘了，其他病我唔敢讲，起码体显出距地用心，如果距地有机会睇到我依篇帖希望距地回想起距地入行前的意愿！

咩咩羊

固定就好，小心照顾

c____2

多谢我系加菲的建议，我老婆应该识得你，距成日系你间店买野。另咨询一下大家，由于平日要上班及晚上都不在同一屋企，所以照顾猫乸时间甚少，系猫乸康复期间，我应唔应该带距去我新屋度疗养？不过我惊距怕生，毕竟距系旧屋都住左成十几年了。

贝多芬追逐者

楼主你咁多头家嫁[EM80]

c____2

人老左同猫老左就会几头痛下

三脚猫

[BR]祝愿你的猫能早日康复