好耐冇同大家见面了，屋企新添加成员，2月20号拣到嘅小朋友，名叫“细me”

MailMe · 发表于 2006-3-2 18:20

2月20号早上，11点半，正当我攞啲衫丢落洗衣机嘅时候（洗衣机喺阳台），发现楼下有只好细小嘅猫咪，有一个2、3岁嘅小朋友用脚踢佢，但係小朋友踢咗好多次，都冇提中，小朋友身边有大人，开始我以为又係啲大人买俾小朋友嘅“玩具”，感觉小猫咪好可怜，咁细嘅小朋友，又点会识得好好照顾小猫咪，睇咗一阵，我就返入屋，继续整理。
心里面一直念念不忘只可怜嘅小猫咪，当我再整理一啲准备要洗嘅衫攞去阳台嘅洗衣机嘅时候，发觉小猫咪嘅“原主人”唔见咗，换咗另外一个大人同小朋友，我就知道，小猫咪一定係流浪猫，我即刻落到楼下，去到大人身边，问佢我可唔可以睇下只猫咪，佢嘅反映好愕然，以为只猫咪係我走失嘅，但係亦唔係好情愿俾我睇，估计佢唔想我抱走猫咪，因为佢嘅小朋友正同猫咪玩紧，我正帮猫咪做简单检查嘅时候，发现猫咪有耳螨，同小小皮肤病，大概3个月左右大，个带住小朋友嘅保姆见我抱住猫咪係咁周围睇，就带有质疑嘅语气同我讲：“猫咪是不是你的都看不出来吗？”其实我唔係好想骚佢，从同佢嘅谈话中，我觉得佢人心地唔係几好，而且我明知道佢只係带小朋友嘅保姆，佢主人一定唔会允许自己嘅保姆带猫咪返屋企养，而且猫咪一定唔係佢嘅，我完全可以话猫咪係我走失，就直接将猫咪带走，但係我有老实同佢讲，猫咪唔係我嘅，而且都有同佢解释，话猫咪有病，需要治疗，所以我想带走猫咪。

正当我同佢讲嘢嘅时候，小猫咪唔见咗，我就到处搵，而个保姆就幸灾乐祸咁话：“走了就好囖，到处走不是很好”，人都係咁，自己得唔到嘅嘢，都唔想其他人得到，哪怕就算係唔值钱嘅嘢，所以后来我搵到猫咪之后，我就直接将佢抱走。同啲人讲多都嘥气！或者佢以为我係谈心嘅人，想将猫咪据为己有。

带佢返到屋企，我就估佢一定好肚饿，所以，将佢返入个笼里之后，第一时间就开咗包150克嘅爱猫久久鲜包俾佢食，见到佢食到狼吞虎咽，真係觉得好可爱，好可怜嘅小朋友，一定喺出边流浪受咗唔少苦。

小朋友真係好天真可爱，食个鼻哥都有猫粮，都唔知道要洗干净块面。

可能因为係出面任意走动，所以啱啱关係笼里面唔係好习惯，所以想出嚟

见去咁可怜，一啲都唔习惯关係笼里面，既然都係喺杂物房做隔离，所以都係决定等佢出嚟周围走。

可能因为佢仲细个，对人一啲都冇戒心，所以就一啲都怕人，仲好粘人，放佢出嚟，仲不断係咁追住我只手係咁咬。不过真係好痛，因为佢牙仔好细好尖！

屋企已经收养咗两只猫咪，所以拣到呢只猫咪嘅时候，我都有考虑过究竟要自己收养，定係俾人领养好，但係相处过之后，我又好唔舍得佢离开我，因为我好惊佢遇到嘅新主人会冇我对佢咁好，惊佢俾人欺负。所以思前想后，加上我Honey尊重我所有嘅决定，所以，我都係决定自己收养，于是，屋企又多咗个新成员，因为佢係呢个家庭最细嘅，所以我帮佢该咗个名叫“细me”。佢同大B、Lucky一样都係仔仔。

21号，係细me拣返嚟嘅第二日，都係佢返嚟屋企嘅第一次疴SS。

最后送上一张隔离完，和我家两只猪的照片～

如果无法播放，请点击此处在新窗口打开

smile · 发表于 2006-3-2 18:27

小猫咪的花纹好靓啊．．长大了一定会好漂亮．．！！楼主真的好幸运！！！[em03][em03]

catbaby · 发表于 2006-3-2 19:24

楼主真系好人拉
最后果张三猫一起训，好得意啊！
[em03]

宝宝龙 · 发表于 2006-3-2 19:50

哇，好漂亮啊[em01]

kakyoucat · 发表于 2006-3-2 21:18

好可爱的猫猫啊。。。。喜欢！！！[em03][em03]

幻仪 · 发表于 2006-3-2 23:09

[em03][em03][em03]又一只猫猫温到主人了,LZ加油照顾好猫猫喔~~~~

xiangjun-w · 发表于 2006-3-2 23:49

咦，这些花纹好特别，好漂亮啊[em07][em07][em06][em06]

mabel · 发表于 2006-3-2 23:54

太好了，又有一只不幸的猫变成幸运幸福的猫猫了，恭喜恭喜

夜一 · 发表于 2006-3-3 00:16

哇～～～～～～～～～～我中意啊～～～～～～～[em02][em03]

美伢 · 发表于 2006-3-3 01:35

毛色好漂亮啊~~~~~~~~!!!

		自动登录	找回密码
密码			注册