其实养猫并唔困难，希望更多人关注流浪猫

samlai520

我养咗5只猫，D朋友知道之后会好奇怪点解要养咁多，但好多人都唔知其实我只系想养2只，因为一只太寂寞，2只就有个伴。第一只系我堂细佬送比我的，第2只系我有一晚翻屋企喺路上执的流浪猫，第3只系从一个猫猫救助人领养的，第4只都系，第5只都系。原本第5只之前我都执咗只小流浪，之后帮距稳到个好人家，就送人了。第5只系我带我的第3只猫猫同朋友带距只小流浪一齐去绝育时一个猫猫救助人同我讲医生度又有一只小流浪等领养，我知呢位救助人屋企已经有2只猫同一只狗，同埋仲有2只小流浪待领养，距压力都好大，所以我就抱咗第5只翻屋企。我唔系晒紧我几有爱心，我只系唔想呢D咁可爱嘅小动物喺出面比D变态嘅人虐待，比其他凶恶嘅动物虾，所以只系救得一只得一只。我想讲我都好大压力，虽然我屋企人唔多反对养猫，但有咁多猫喺度，距地多多少少都会有意见，咁样我好难做，唔救又唔得，但养太多又唔系办法，所以我屋企只系当猫猫嘅中转站，希望有爱心嘅人可以比距地一个温暖安全嘅家。我救嘅猫猫条件允许的话我会帮距做绝育同疫苗先，如果我做唔到，我会如实讲你知而且希望你可以带距去做。
绝育同疫苗系对猫猫最基本嘅保护，有朋友认为做绝育好残忍，但你地有无谂过好果D猫猫无做绝育，不停咁生的话，你有无能力去养咁多只？既然你有咁嘅能力，点解你唔去关心下D流浪猫？其实流浪猫本身都系家猫，只系某D原因令到距地无家可归。换位思考，如果你有一个温暖安全嘅屋企，你会唔会选择去流浪，过住D随时比人打随时比人伤害而又提心吊胆嘅生活呢？可能有D猫猫系一时贪玩出咗街翻唔到屋企，作为距嘅主人你，有无谂过点解你会咁疏忽大意呢？如果猫猫系处于发情期，咁距一定会出街稳男女朋友，所以绝育有阻止距做呢个行为嘅作用，同埋可以减少某D疾病患病率。疫苗，等于人从小朋友开始注射嘅预防针咁，因为猫猫唔系超人，距都会好似人咁容易被出面嘅细菌、病毒侵害。猫猫一但病咗，距无可能好似人咁同你讲距边度唔舒服，叫你带距去睇医生，而且当你发现距有病症时可能已经系比较严重了。所以，如果你养猫猫，请为你同你的猫猫好，帮距注射狂犬疫苗同猫三联。仲有就系驱虫，猫猫如果体内有寄生虫，要及时帮距驱虫，每半年一次一次，2只猫加埋唔使10蚊。
其实养猫并唔复杂同困难，都唔会浪费你好多钱，只系绝育同疫苗花300左右，每年打一针疫苗都系100左右，简单过少买一件衫少食一餐饭。我养5只猫，买妙多乐的猫粮16磅先系155元，可以食2个月左右，期间喂鱼饭转换下，如果系2只的话都可以食4个月咯，加埋猫砂一共都系200左右，我猫比较多，所以经常换，食一餐饭唱一次K都唔只呢个数啦，但就可以救到2条小生命，绝对超值啊。有朋友会觉得有BB唔可以养猫，话猫嘅寄生虫会影响胎儿，但只要做好打疫苗同驱虫呢2步，唔好同猫猫有亲密接触，唔好接触猫猫嘅粪便，以及经常洗手，注意卫生就唔会有问题的。
我唔明点解有D人宁愿花几千蚊买一只加菲猫或者系英短呢D猫都唔愿意免费领养一只小流浪？唔通距地得意D？靓D？乖D？好玩D？定同人讲我养咗只呢D猫时威D？小流浪变成家猫之后一样系咁得意、可爱动人啊，甚至比呢D贵价猫仲靓啊。大名鼎鼎嘅猫叔都只系一只平凡嘅猫猫姐。猫猫靓唔靓，得唔得意取决于主人点对距姐。请大家多支持领养啦，唔好再买咁多猫喇，唔系会因为不当养育或者D非法猫贩会搞到身边有更多更多小流浪噶。
养宠物系对距嘅一生负责，你爱嘅可能唔只距一只，但距短短十几年生命里面可能只有你一个人的爱。你可以选择爱或唔爱距，但距无能力选择一个爱距嘅主人，如果你养紧猫请你好好对距，如果你将要养猫，请你好好对距，如果你唔钟意猫，请你唔好伤害距。
我一个人的力量救唔到几多猫，但希望有爱心嘅人可以一齐保护流浪猫流浪狗，拯救距地脆弱嘅生命

murdochfan

说得好！顶一个

咪咪摸摸

说得好！顶

kiki-

afish

简单D讲就系甘，第一第二只，都系因为自己想养，从第三只开始，都系想保护距地

广州cat

太对了

lurw

doris_liang

我也帮忙顶！！

sadanyaoji

回复 3# 咪咪摸摸


    怎么带你家里那三位小朋友去参加猫奴区的那个活动呀？呵呵！

愫细

猫口就是有增无减的啊