小宝因为脊椎受过伤，导致神经受损，而且错过咗最佳嘅治疗时机，两条后腿上嘅肌肉严重萎缩，所以依家下半身已经瘫痪，大小便失禁。返屋企已经有一个礼拜啦，小宝胃口同精神都唔错，只要一饿就“嗷嗷”声揾嘢食，声如洪钟，呢样係最令我欣慰嘅。由于佢同妹猪都有唔同程度嘅癣，而且大小便失禁嘅情况仲係未有改善，所以依家每日都要用药水同佢洗两次，面上嘅癣有咗明显嘅好转（响呢度要多谢三脚猫推荐我哋用嘅药），对于应该点样处理佢大小便失禁嘅情况，希望大家可以俾D建议我，我并唔奢望有奇迹嘅发生，我只希望尽能力令小宝可以舒服D。
至于妹猪嘅左脚已经好返晒啦，依家食得走得，胃口好到食完自己嘅仲要去食Johnson嘅，搞到Johnson个小器鬼呢两日都唔多食嘢，担心妹猪生虫，但係医生话太细唔可以驱虫住。唯有等只猪再大D先啦，妹猪大个咗一定係个“猫版关芝琳”啊！
希望大家都嚟支持小宝同妹猪啦！发D最新嘅相俾大家睇睇先！
两兄妹感情好好架，即使依家要隔离开，但係仍然不离不弃。
小宝：妈妈，我食晒啦，仲有无啊？
小宝：妈妈，用药水冲完凉真係舒服啦，我想瞓阵先啦。
妹猪：妈妈，睇下我对兜风耳，人哋话招财嘅啵。
妹猪：妈妈，你咪睇我个肚啦，我仲有D饿啊。
妹猪：开始有D饭气攻心添。
[em06][em06]
[此贴子已经被作者于2007-10-14 17:47:58编辑过] | 
狗仔卡
发表于 2007-8-7 22:29
提升卡
沉默卡
变色卡
显身卡
发表于 2007-8-8 08:21
楼主